[بسمة العراق]

اسمحوا لي اعزائي اعضاء المنتدى:
احببت ان اعرفكم باصناف الشعر الشعبي العراقي واطرح بعض الابيات التي اعتبرها ويعتبرها العراقيون من الابيات الرائعة كونها تحاكي المجتمع العراقي وكأننا نقرأ حالة اجتماعية موجزة في بيتين من الشعر كتبها احد الشعراء وقد يجد له ردا من شاعر اخر..

اولا الشعر الدارمي
وهو صنف من اصناف الشعر الشعبي وقد اشتهر في المحافظات الجنوبية وخاصة محافظة الناصرية..

ترحيب بالضيف:

اهلا وسهلا بيك واكثر بالوياك

القلب قبل العين فزّ وتلقاك

***

او تحذير لئلا يحزن الذي يزورهم بفراق العزيز:

بالك تمر بالدار عنها اشمر بعيد

دار العزيز هواي نوح وبجي تريد

****
فيرد عليه :

عمدا امر بالدار والنوح ازيده

واسمع صداها يقول راح التريده

****

او:

عمدا امر بالدار واشبع مغمة

وابجي بجي المفطوم من يذكر امه

****
واخر يشكي حظه المتعثر:

الدنيا بس وياي شدت عداوة

ولا واحد من الناس لجروحي داوه

****
فيؤيده اخر:

الدنيا للتهواه تركص مفرعة

واني تجيني بموس وتقوللي ابلعه

****

والاخر يشكي فرقة الاخوان:

ياعازة الاخوان عازتها عازة

والماوراها صياح وحشة الجنازة

****
يرد عليه:
جا شلي بالاخوان والماينفعون

عود من اموت ايجون وية اليشيعون

****

التتمة في الحلقة التالية:)

[حادي العيس]

	الغالية \\\\ بسمة العراق هلا بك أختي حلو وجميل أن نعرف شعر وكلام أخوة لنا في العراق الجريح فكرة جداً جميلة بالك تمر بالدار عنها اشمر بعيد = دار العزيز هواي نوح وبجي تريد عمدا امر بالدار والنوح ازيده = واسمع صداها يقول راح التريده عمدا امر بالدار واشبع مغمة = وابجي بجي المفطوم من يذكر امه دمتي بحفظ الرحمن وننتظر التكملة وعيوننا ترقب جديدك ت ح ي ا ت ي

[بدر البدور]

بسمة العراق
مشاركة جميلة
الشعر الدارمي نوع من انواع الشعر الشعبي
المعروف جدا بالعراق
وهو شعر جميل جدا
فله اسلوبه المميز العامي
واتمنى ان تكون لكي مشاركة بقصيدة من هذا النوع الدارمي
لكي نقرا نوع جديد من انواع الشعر في المنتدى
تسلمين على مشاركتك
بار كك الله

فاتنة

[بسمة العراق]

شكرا للمرور والتشجيع:)

ولان استعرض نوع ثانٍ من الشعر الشعبي وهو:

الأبوذيٌه

هو أحد انواع الشعر الشعبي ويتكوّن من أربعة أشطر تسمّى البيت. الثلاث الأولى تنتهي بلفظ واحد أو متقارب جداً والشطر الرابع لا بدّ أن ينتهي بكلمة نهايتها ية ويسمّى الرباط ولا بدّ للفظ المشترك في الأشطر الثلاث أن يكون في كلّ شطر يعطي معنى غير الشطرين الآخرين وبذلك يكون لفظ واحد بثلاث معاني. وأول من قال ونظم شعر الآبوذيه هم أهالي سوق الشيوخ ولديهم باع طويل في نظمه بالإضافه الى باقي أنواع الشعر الشعبي.ويتميز الأبوذيه أنّه ينظّم في الأحزان والفراق ولذا أخذ أسمه منها (أبو الأذية) وشاعت الأبوذيه بهذه الصيغه نتيجة اللهجة العاميه للمنطقه.


يروحي لليودج حيل وديه -- اله حني وجثير الشوك وديه

علي واجب لزوم اكضيه وديه -- الك يلي كثر فضلك عليه



***

وحك اية عصا موسى وسينا -- الك حثت رجايبنه وسينا


الك حسن النبي يوسف وسينا -- الي والنور الك والنار اليه

***


كل مغرم برت علته وناله -- سعيد اللي حضه بشخصك وناله


الطارش من سمع نوحي وناله -- ترك شغله وبجه رحمه عليه


***

ابنار الهجر يامهجه دموعاي -- على مصابي السمه يمطر دموعاي

اشما هلن يدندوشه دموعاي -- حسناتج تبدل بالف سيه



***


يروحي بسج من اللوم عني -- وطارش لليودج دوم عني


اشلون انشد على المانشد عني -- اونن عاليون دايم عليه

***

[مالي غيرك]

[

align=center]يا زين الأوصاف يا من كالبدر وجناك
عمر بيت الذي وردك وجناك

الدهر لو زل يركي خطوبه علي
والبين لملم كل جيشه وقومه علي
تخسين يالغادرة انتي وقومج علي
ما احسب ظني تراعين النذل احسن
انا الكنت بين ربعي كالورد واحسن
استهون الموت وكل ساع اقول احسن
وشصعب من الموت ولا كلمات النواقص علي

[/align]

[11سبتمبر]

الاخت المتألقه بسمة العراق

العراق عظيم بأرضه

عظيم بشعبه

عظيم بتاريخه

فليس بغريب ان يكون عظيم بشعراءه

انا من اشد المعجبين بالشعر العراقي

ونتمنى ان تكوني سفيرتنا بالعراق وتتحفينا بكل فن من ارض الرافدين

تقبلي تحياتي وتقديري

اخوك

11

[بسمة العراق]

الاخوة الاعزاء
سلام الله عليكم

شكرا لمروركم الكريم

لتكملة ما بدأته .... هذه انواع من شعر الابوذية ارجو لكم الاستمتاع بقرائتها:




المطلق و المولد

هاتان التسميتان هما لنمط واحد من الشعر و هو النمط التقليدي للأبوذية و لكن يكمن الفرق بأن الأبوذية المطلق تأتي من فكر الشاعر و إحساسه كما في هذه الأبوذية

تشوف همومي بعيونك و ترها
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه


أما الأبوذية المولد فيكتبها الشاعر مستعينا بخيال غيره من شعراء الفصحى و ذلك بأن يبدأ الأبوذية ببيت أو بيتين من الشعر الفصيح ومن ثم يبني عليهم أبوذيته كما في المثال التالي

يقولون لثم الغانيات محرم و سفك دماء العاشقين مباح
لابد من حي الحبيب زيارة ولو ركزت حول الخيام رماح
روحي برشف خدك من عداها
أحب وصلك وهابك من عداها
فراقك يوم أحمله من عداها
أزورك لو تصير أحزاب اليه



الأبوذية المشط

هي مجموعة من الأبوذيات المتصلة المترابطة و كل ثلاثة اشطر تليها ثلاثة أشطر أخرى أما الشطر الرابع المكمل للأبوذية فهو يأتي في نهاية المطاف بعد أربع أو خمس أبيات و أكثر كما في هذا المثال

الدهر ياصاح بالفرقة ولانه
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه



الأبوذية المدوره

يطلق على الابوذيه بالمدوره عندما يكون المعني بالشطر الثالث غير واضح و مبتور فيكمله البيت الرابع كما في المثال الآتي


عقلي ياترف حبك وحن بك
من الجوري يامحبوبي وجن بك
إجيت إنت على وعدك وجن بك
ليالي الفرح وأيامي زهية



التطريز بالأبوذية

فن التطريز فن قديم تواجد في الشعر العربي الكلاسيكي و تواصل إلى الأبوذية و يقصد منه بأن يبدأ جميع الأشطر بأحرف إسم معين كإسم الحبيبة أو الصديق أو ماشابه ذلك كما في هذا المثال المطرز بإسم زينب


ز - زهرة بغصن عمري تفوح بتنا
ي - ياصوره على وسادة فرح بتنا
ن - نغم رافك بتوت القلب بتنا
ب - بشاير فرح منها تهل عليه

ان شاء الله تعجبكم...:)

السلام عليكم

اشكرك اختي الفاضله على الموضوع

وبما انج خبيره بالشعر العراقي

فا اتمني اني اعرف اسم الشاعر الي كان يشارك بعدة مواويل امثال موال كون يمك لحاتم العراقي

واناا شفته مره يلقي شعر او عدة ابيات على شاشه قناة العراقيه

وكوون شاكره لج اذا عطيتيني اسمه او عرفتي عنه اي شي

اهلا وسهلا بيك صارت قديمه ()()() نفرشلك العينين والقلب خيمه

لقد سعدت بمروري على هذه المشاركه

اشكركم جزيل الشكر على الاختيار الموفق

لقدت اشتركت بهذا المنتدى للمشاركه معكم

ارجو ان اكون مرغوب لديكم

وإليكم هذه الابوذيه :

ياهل ماتدري بروحي شبيها
إلك نيران بقليبي شبيها
ابد مافيه بالدنيا شبيها
قمر والقمر من يظهر عليه

مع تحيات اخوكم الجديد
تايه عبدالكريم

[*محسن*]

ماشاء الله اشوفك مفتله

دوم ان شاء الله

وصح لسانك

اتمنى لك كل التوفيق